الخميس، 17 ديسمبر 2009

butiqqas


butiggas


ijj, ur issin malmi id yusa, u la mavar, u la mamc .
ijj, ur issin tpajit nns, u la d ism nns .
ijj, ur izoim ad t isqqsa .
ijj n tifawt, zik, kkarn d imzdav n ddcaë vr twuri nnsn dg igran, ufin t ibdd tama n ubrid, irppf i wudm nns s ijj n liçaË d abrkan, ilsa yan n ujllab d amzdag . Vr iäaën nns, issrs ict n txancit . middn I oddan xççarn days tbhän, ntta, ur irri taynit i yan, ifsr rxçëat nns vr lagåj, dg ujnna akd ijäaä . cwayt, lami imzdav, bdan tawuri; ca ikrrz, ca inqqc, ca issmuna tuga…yudf akidsn, ikksi yan n ulgzim uca ibda am nitni . middn, bddn imikk ur fhinmn walu ; ntta ur daysn tiwi ikcm s wul d ivsan di min ittg .
ammu, ÇËin ussan d imalasn d iyyurn . nnumn akids imzdav .
igga zg ijj n uxxam irdl, baëëa i



ddcaË, tazddivt nns ; igg as tawwaËt n uzzal, ittqqni tt s ict n tcfart tmvar, iqqn as tiburjatin s uçëu . yan ur ydif vars zimi id yusa . ntta, zund ass amzwaru, udm nns lbda idla ilppf, issawl drust, ur ittmun akd ijj . Labda, ntta d amzwaru dg igr , d ntta d amggaru . ur d ittis vr ddcaË illa mala ira ad issv kra niv ad yawi ca .
sin iorrimn tugi ad asn tvli tanfust n urgaz ad . farid d jamal qqarn ila awarn as ca, ya irwl d, ya vrs kra .. tviman xf twrirt zzat i igr xççaën days iccat tamurt s ulgzim s ijj n jjahd ur illi umas . min days dg wass nitni päan t, ass xf wass . xsn ad snn . la d ntta yucca akidsn . waxxa igga ixf nns mmaËËa di twuri ittjja ijj n tiï tarsa xafsn s uvzdis . ikksi amnus, issn ila ipudriyyn ad ur t ttjjin ad ihna .
farid d jamal qqimn manis id pïïan, tawaln t dg wammas n igr akd imzdav, ilha .


- min tnnid ? ad tt ngg ass ad ?
- gådv akidnv yaca !
- ilha, kkr ur ntif am wass ad .

farid d jamal arzin ticfart n twwuËt, udfn . ur ttwilin s tallst . ssarvn tirna…tbhän, dhcn … çëin aëëuä n tmvarin yuyl xf igudar : dfayn, ijllabn, tisbnay .. uyurn cwayt, çëin tizuzaf d sswag d lmakyaj…mvar lpwayj i iqqn vr tmvart…xsn ad snn min din awarni manaya, Çwan vr ijj n aËwwaq, ibäa axxam xf snat, arzmn t … ggin tifawt , hub !!! min tuva ur t ttËijin !! bddn dg uraq nnsn am içëa, uÇvn, iäaën mmutn … ttwalan t din ibdd am tmatart ur ittnhzzi, mvar tiïÏawin nns arvint s tmssi, ntïaËnt id daysn lxçëat am tinni miduza, wnni vr rqfn t ad tarrn t d açëu . ttwalan t din ibdd algzim dg ufus, dwln vr dffir, arwln vr twwaËt, ufin tt trgl zg bëëa, ” irgl id tt ntta, maca manis id yudf ? mamc igga yuca akidnv ? …?” . ãafi, bddn tËajan,


ssnn tizmmar nns d jjhd i days ; çëin mamc ittg di twuri nns, ttwalan anict ivalln d idmarn nns . imikk, yuds d varsn, issrs algzim zzats, issarv lamba, tifawt tnnäëq dg uxxam mmaëëa .

- min txsm ad tssnm ?
-……
- siwlm, tgådm ? ah ?
- …… .
- yallah ! turzzum ad tssnm min oniv ?
twalam mvar lpwayj n tarbatin !!! min
tnnam akd ixf nwm ?
- … . .
- uhu …. ur tripm s uxaëëã nwm vr lagåj…slm … (isqar cwayt) tuva ay d amjahd . Tuva ay di tarfiqt n lqayd ssi ollal . nwta arumi dg waïïaã n twalatin d imucan, nnva aïïaã zi loskar nnsn…tuva d nccin d tarfiqt ijhdn dg ku tarfiqin nnv…maca dg ussan imgÅra kur mma ngga ca n usuggi niv nkka ca n ubrid ili arumi izwar anv, mmutn zzaynv abaëëu n irgazn ipuËËiyyn… ktaË, dwln


tsnn la d mani inttnuffar d ku min nttgg d min nxs ad ngg…lqayd yucca ila jar anav ijj n uckkam .. (isqar imikk, yarra nnfs) igga ijj n txcft ar mani t nïïf . u d nnk i t tïïfn, awyv t id vr lqayd . nngru, ngga xfs izrf : ad ils min va ikk iddar am tmvarin, nkk tuva ssitimv ad t nvn yuf . (ad isqar, ad tarv yat n tifawt tããmä dg tiïïawin nns…) u puma ad iqqm ittwassn mani mma d mrmi mma
ggin as tiggas dg udm .

isbdd awal, ikkar ibdd, iwta algzim di tmurt . ioarra xf udm nns … tiggas tibarkanin arqqnt zi tnyaËt al uvsmir .

tiwcca nns, ku imzdav n udwwaË Çwan vr uxxam n butiggas , ufin tawwaët tarzm, udfn…axxam ixwa mvar algzim iççu di tmurt .


ليست هناك تعليقات:

إرسال تعليق